Менің Отаным - Қазақстан
Білімділік: Халқымыздың өткені мен бүгінгі күндеріне қысқаша шолу жасау.
Тәрбиелік: Туған еліне, жеріне деген сүйіспешілікке тәрбиелеу.
Дамытушылық: Сөйлеу мәдениетін дамыту.
Көрнекілігі: ҚР рәміздері, карта, нақыл сөздер, топтастыру.
Сабақ барысы:
І. Ұйымдастыру бөлімі
- Құрметті ұстаздар және қонақтар! Сіздердің назарларыңызға
«Менің Отаным - Қазақстан» атты тәрбие сағатын ұсынамыз.
Асыл: Отан деген не? Отан дегеніміз – адамның туып өскен жері, туысқандары мен жақындарымен бірге тұратын атамекені.
Сара: Әуелгі Отан – ана алды, оттың басы,
Ауыл алды, аунаған шөптің қасы.
Сағынғанда тым ыстық көрінеді
Жаста ойнаған үйшік қып сайдың тасы.
Нұрбек: Отан дейміз от жаққан жерімізді,
Отан дейміз өсірген елімізді.
Отан дейміз туған жер, атамекен –
Биік тау, орман, тоғай, көлімізді.
Арайлым: Отан дейміз кең – байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
Іңкар: Адамның жақсы, бақытты өмір сүруі көп жағдайда Отанға деген сүйіспеншілігіне байланысты. Отанын сүйе білген адамда бәрі: үй де, жұмыс та, атақ та болады.
Нұрсана: Мен оның түнін сүйем, күнін сүйем,
Ағынды өзен, асқар тау, гүлін сүйем.
Мен оның қасиетті тілін сүйем,
Мен оның құдіретті үнін сүйем.
Тарбия: Бар жәндігін сүйемін қыбырлаған,
Бәрі маған «Отан» деп сыбырлаған.
Жаным менің кеудемді жарып шық та,
Бозторғайы бол оның шырылдаған.
Арай: Отан, Отан,
Бәрінен биік екен
Мен оны мәңгілікке сүйіп өтем.
Нұрбақыт: Отан адамның отбасынан басталады. Туып өскен жері, ауылы, қыстағы, қаласы – оның кіші Отаны. Өйткені әрбір ауыл, қала, бүкіл Республикамен тығыз байланысты.
Малика: Ең бірінші бақытым – Халқым менің,
Соған берем ойымның алтын кенін.
Ол бар болса, мен бармын, қор болмаймын,
Қымбаттырақ алтыннан нарқым менің.
Мерей: Ал екінші бақытым – Тілім менің,
Тас жүректі тіліммен тілімдедім.
Кей – кейде дүниеден түңілсем де,
Қасиетті тілімнен түңілмедім.
Бекарыс: Бақытым бар үшінші – Отан деген,
Кім мықты? – десе біреу, - Отан дер ем.
Оты сөнген жалғанда жан барсың ба?
Ойланбай – ақ кел дағы от ал менен.
ІІ бөлім. «Атамекен», «Жерұйық», «Атажұрт» топтары арасында сайыс түрінде жалғасады.
І сайыс: Жүйріктен жүйрік озар жарысқанда
- ҚР Мемлекеттік туының авторы кім? (Ш.Ниязбеков)
- Ұлттық валюта – теңге қай жылы енгізілді? (1993ж. 5 қараша)
- ҚР тәуелсіздігін қашан жариялады? (1991ж. 16 желтоқсан)
- ҚР әнұранының сөзін жазғандар? (Ж.Нәжімеденов, Н.Назарбаев)
- Қазақстан БҰҰ қашан мүше болып қабылданды? (1992ж. 2 наурыз)
- 1991ж2қазан –бұл дата нені білдіреді?(Т.Әубәкіров ғарышқа ұшты )
- ҚР Конституция күні? (30 тамыз)
- Қазыбек биге не қымбат?
- Қай жылы ел астанасы Алматыдан Ақмолаға көшірілді? (1997 ж)
- Маңғыстау облысының құрылғанына неше жыл?
ІІ сайыс: Атадан қалған асыл сөз. (Мәнерлеп оқу)
«Қазақ – сөз қадірін өз қадірім» деп білген халық. Кіндігін де, елдігін де, кемеңгерлігі мен көсемдігін сөзге сыйдырған.
Ел тағдырын ойлады олар көз ілмей,
Ерік беріп қажырлылық, төзімге.
Үн жеткізер Ұлылардың өзіндей,
Ден қоялық ұлылардың сөзіне.
І. Арман – «Төле бидің жауабы»
ІІ. Диас- «Қазыбек бидің елшілігі»
ІІІ. Бақыт – «Әйтеке бидің сыншылдығы»
«Атамекен» әні